المقادير :-
كوب ونصف دقيق منخول
7بيضات
4 ملاعق كبيره زبد أو سمن
كوب سكر ناعم
نص معلقه صغيره فانليا
معلقه الا ربع بيكنج بودر
معلقة محسن كيك
الطريقه:-
نضرب السكر والبيض والفانلياشويه وبعدين أضيف 4 ملاعق سمن وأضربهم مع بعض لحد ما نلقيهم أرتفعوا خالص بعد كده اضيف المحسن كيك واضرب وبعدين الدقيق بالتدريج واقلبه كويس.
الفكره ايه انا احنا هنقسم الخليط بالنص فى طبقين وبعدين هنضيف على أحد الخليطين معلقة كاكاو خام واقلب كويس هيبقى عندى خليط مخلوط عليه الكاكاو بيكون اسود والتانى اللى احنا ما اضفناش عليه حاجه هيكون ابيض واكون محضره الصنيه بتاعتى مدهونه زبده ومرشوش عليها دقيق احط الصنيه على رخامة المطبخ وامسك العجنتين بتوعى واحده بايدى اليمين والتانيه
بايدى الشمال وابدأ انزلهم فى الصنيه فى وقت واحد مع بعض نص العجينه فى ناحية الصينيه اليمين والنص التانى فى الشمال هتبقى الصنيه نزل فيها الكيكه نصها ابيض والتانى اسود وندخلها على الفرن على درجة حراره 180 لمدة 35 دقيقه ويكون والع من قبلها بربع ساعه
وبعد ما تطلع من الفرن اسيبها تبرد ولما تبرد ابدأاقسمها من النص ويا ريت أرشها بأى عصير مثل الأناناس أو عصير المانجو هتديها طراوة التورته واحشيها بالكريمه البيضه على النص الابيض والكريمه السوده على النص الاسود أو زى ما تحبى وازوقها بالطريقه اللى تعجبنى من الوش بالفاكهه او الكريمه والشيكولاته .
