أولا:- لازم نعرف أن الديك الرومى بيختلف وزنه من ديك لأخر فيه ديوك من 3 كيلو وبيوصل أحياناً أكثر من 8 كيلو وهى مش مشكله بس لازم تعرفى أن لكل كيلو وزن الديك بيحتاج من 30 إلى 40 دقيقه فى الفرن بمعنى لو الديك وزنه مثلا 6 كيلو وده الوزن المثالى للديوك الرومى نبقى محتاجين من 3 إلى 4 ساعات فى الفرن ليتم النضج.
ثانياً :- لازم الديك نحضريه من قبل العزومه بيوم كامل عشان بيقعد متبل فى الثلاجه وكل ما قعد أكتر كل ما كان أحسن .
المقادير :-
أولاً :- ديك رومى
ثانياً :- التتبيله ( بصلتين مفرومه – ملعقتيتن زيت –صلصة طماطم- 2فص توم مفروم-ملح-فلفل-بهارات-كمون-روز مارى-قرفه-مكعب مرقه دجاج – 2 عصير ليمون- كارى-بهارات دجاج – ملعقه حبهان مطحون – ورق لورو- قليل من الماء للخلط )
الطريقه :-
1- يغسل الديك جيدا بالملح والدقيق والخل من الداخل والخارج وبالماء .
2- يخلط البهارات السابقه جميعاً بالقليل من الماء.
3- نتبل الديك بها من الداخل والخارج وبين الجلد واللحم جيداً ويغطى ويترك بالتلاجه بعد أن يرش بقليل من الملح من الخارج تأكدى ان الديك كله أصبح مغطى بالتوابل من الداخل والخارج ويترك بالتلاجه على الأقل 12 ساعه .
يخرج من الثلاجه وينزع من التتبيله مع مراعاة أزاله كل ما تعلق به من توابل وبهارات جافه ونكتفه نربط الأجنحه الى الوراء ونربط قدميه جيدا .
نحضر صينيه كبيره ونضع بعض الخضراوات فيها مثل الجزر والبصل والبطاطس ثم نضع الديك على الخضراوات ثم نغطى الصينيه بالفويل وتدخل الفرن على درجه حراره عاليه
بعد حوالى 3 ساعات نخرج الديك ونأخذ من الصوص بتاعه ونضع عليه ونكرر العمليه ونسيبه شويه من غير فويل حتى نحصل على اللون الذهبى ويترك ليبرد ولايقطع ساخناً.
ليست هناك تعليقات:
إرسال تعليق